Дәүләт чиген узганда хокук бозган өчен штрафлар 2,5 тапкырга арттырыла
Дәүләт чикләрен саклау өлкәсендә хокук бозулар өчен җаваплылык көчәйтелә, аның өчен штрафлар 2,5 тапкырдан күбрәккә арта.
Россия Президенты Владимир Путин РФ Административ хокук бозулар кодексына төзәтмәләр белән канунга кул куйды, дип яза «Российская газета».
Затларның яки транспорт чараларының дәүләт чигеннән чыгу, шулай ук чик контроле узганда Россиягә керү яки аннан чыгу кагыйдәләрен бозганы өчен физик затларга штраф — 5-25 мең сум, вазыйфаи затларга — 100-250 мең сум, ә юридик затларга – 1-2,5 млн сум булачак.
Чик буе зонасына керү, анда йөрү яки вакытлыча булу кагыйдәләрен бозган өчен физик затларга шулай ук 1,5 мең сумнан 5 мең сумга кадәр штраф түләргә туры киләчәк.
