Очрашу барышында кунаклар фонд эше белән таныштылар, «Батырлар. Татарстан Геройлары» программасында катнашучылар белән аралаштылар. Филиал җитәкчесе Гүзәл Удачина ветераннарга медицина, психологик ярдәм күрсәтү, эшкә урнаштыру һәм социаль адаптация юнәлешләрендәге эшләр турында сөйләде.

Катнашучылар фондның эшчәнлегенә югары бәя биреп, ветераннарга ярдәм итүдә ведомствоара хезмәттәшлекнең мөһимлеген билгеләп үттеләр. Региональ стажировка кысаларында алар ветераннар һәм аларның гаиләләре өчен мөһим проектлар өстендә эш алып баралар.