Татарстан Республикасы УГМС мәгълүматлары буенча, җил тизлеге 15–20 м/с га кадәр җитәргә мөмкин (Казанда — 15 м/с кадәр).

Россия гадәттән тыш хәлләр министрлыгы республика буенча Баш идарәсе иминлек чараларын үтәргә чакыра:

— көчле җил вакытында биналар диварлары янына яшеренмәскә;

— реклама щитларыннан, электр линияләреннән ераграк торырга;

— мөмкин булса, шәхси транспорттан баш тартып, җәмәгать транспортын кулланырга.

Юлда йөрүчеләргә аеруча сак булырга киңәш ителә: кискен маневрлар ясамаска, тизлекне акрынлап киметергә кирәк.

Белгечләр искәртә: начар һава шартларында игътибарлы булу — сезнең иминлекнең төп шарты.