Бик күпләрне борчый торган сорауга җавап эзләдек. Татарстан белән Башкортстанны тоташтыручы Агыйдел елгасындагы кичү кайчан ачылачак?
Әмма җавап юлчылардан сабырлык сорый:
«Волна» паром кичүе әлегә кадәр ачылмады. Сәбәбе — су дәрәҗәсенең югары булуы: причаллар су астында, шуңа күрә кичүне файдалану мөмкин түгел.
Якын көннәрдә, бәлки бу атна ялларында паром эшли башлар. Кичү эшли башлагач, бу хакта өстәмә рәвештә хәбәр ителәчәк, -дип хәбәр итте кичү җитәкчелеге.